أخبار الفن

زينة توجه اعتذاراً لـ هالة عمر.. وتامر حسني يكشف قصة تعارفه بـ الأخيرة!

زينة تهنئ هالة عمر بمناسبة دخولها القفص الذهبي وتواسيها لكون والديها ليسا معها!

زينة توجه اعتذاراً لـ هالة عمر.. وتامر حسني يكشف قصة تعارفه بـ الأخيرة!

أوطان بوست – فريق التحرير

اعتذرت الفنانة المصرية زينة من هالة عمر، مديرة صفحات مواطنها النجم تامر حسني على شبكات التواصل الاجتماعي، لعدم حضورها الزفاف.

وبحسب ما رصده موقع أوطان بوست فإن زينة نشرت مقطع فيديو عبر خاصية الستوري في إنستغرام.

والذي ظهرت فيه هالة مرتدية ثوب العرس، تقف إلى جانب حسني وشخصاً آخر، بينما يأتي زوجها ليتسلّمها من المطرب المصري الذي يغني لهما.

 زينة توجه اعتذاراً لـ هالة عمر

وأرفقت زينة الفيديو بتعلق قالت من خلاله: “مبروك يا أحلى عروسة، ربنا يسعدك ويفرح قلبك يا أطيب وأجدع بنوتة”.

وأضافت: “كان نفسي أكون معاكي أوي بس بصور على عيني والله، إيه الحلاوة دي ربنا يسعدك انتي والعريس مبروك يا روحي”.

كما علّقت زينة على حديث هالة عن والديها الراحلين، حيث كتبت في “ستوري” آخر: “الله يرحمهم يا حبيبتي.. أكيد هما فرحانين بيكي وروحهم حواليكي ربنا يفرح قلبك يارب”

تامر حسني يكشف طريقة تعارفه بـ هالة 

وقال المطرب تامر من خلال منشور عبر صفحته الخاصة في موقع فيس بوك: 

“لكل اللي بيسأل عن إيه وجه القرابة بيني وبين العروسة الجميلة دي، شايف اسئلة كتير أنا هحكيلكوا”.

وأضاف: “هي اسمها هالة عمر عرفتها كانت بنت من الفانز صغيرة، ومن المقاتلين والمدافعين عن تامر على الإنترنت”.

وتابع: “ومن كتر دفاعها عني لفتت نظري، ومرة رديت عليها شكرتها، ولما سافرت الإسكندرية، في الوقت ده لقيت بنت صغيرة أوي بتعيط و بتجري عليا”.

وأكمل: “فا وقفتلها وفكرتني بنفسها و فضلت تعيط، وتقولي إحنا معاك، و لازم تكمل عشان كنت بتحارب جداً”.

وأردف: “في بداياتي فا اتصدمت أن اللي بتقول كده بنت صغيرة كده، والمجهود ده كله اللي عاملاه بنت صغيرة عندها ١٤ سنة”.

“الطفلة الشاطرة”

وذكر: “وقتها كانت السوشيال ميديا لسه بتطلع وكنا في شركتنا بندور على شركة كبيرة، تمسكلي السوشيال ميديا”.

“لحد ما قولتلهم انا مش عايز شركة كبيرة، أنا عايز البنت الصغيرة دي هي اللي تمسكها، فضلوا يقنعوني أن كده مش صح”.

وتابع سرد حكايته: “ولازم أكتر حد خبره يمسكها، وأنا قولت لا لازم أكتر حد بيحبني هو اللي يمسكها”.

وأكمل: “وأنا واثق أن طاقة الحب مفعولها اقوى من طاقة المحترف بلا حب، فعرضت عليها تشتغل معايا”.

وأضاف: “مصدقتش طبعاً و من ساعتها، و هي اللي ماسكة كل شغل الميديا الطفلة الشاطرة اللي كبرت”.

 

مقالات ذات صلة